Қаракерей Қабанбай

 
Атын тізіп атайын санаққа алып.
Уəлі болар істі абайлайтын,
Ерекше атап өтем Бармақты алып.
 
 
Еспенбет, батыр Жаман, Орақбай ер,
Шын құрыш қайтпай-тұғын болаттай ер.
Ақпантай, Еспенбет пен батыр Тентек,
Атойлап жауға шапқан құлаштап ер.
 
 
Шағалақ, ақын Сұртай, Бұхар жырау,
Тайсалмай хан алдында берген сынау.
Айламенен қамалды шыққан бұзып,
Майсара – Гауһар батыр көрінеу тұр-ау.
 
 
Ұраны болған екен алты Алашытң,
Жүлде алған бəйгесінде сан таластың.
Боранбай, Есенгелді, Қазыбек би,
Жүйесін тауып айтқан сан сараптың.
 
 
Сондықтан елі сүйген халық қалап,
Қолданған досына ақыл, жауға жарақ.
Даңқпен хан ұраны Қабанбай деп,
Айбынды ұран қылды барлық қазақ.
 
 
Хан, қара ақылынан асқан емес,
Салмағы жаттың жеңіп басқан емес.
Орта жүз сүттей ұйып дегеніне,
Беріп ед ақылменен жасқа кеңес.
Тағдыры бар жасақтың қолында боп,
Болыпты абыройы ханмен теңдес.
Хандығын ханның жасақ сақтайды екен,
Білгенді халық сөйтіп жақтайды екен.
Қабекең орта жүздің ұйытқысы боп,
Бар қазақ пірі тұтып мақтайды екен.