Van Qoqun “Kamasutra” məşqləri (və ya) KA

“Van Qoqun “Kamasutra” məşqləri və ya Ka!” romanı birnəfərlik izdihamın və üsyanın mümkünlüyünü isbat edən çoxçalarlı qurğu romanıdır. Əsərdə XX əsrin Bakısı, XI-XII əsrin Naxçıvanı və kosmik zamanın Cəhrisi qəribə, xaotik hadisələrə şahidlik edir. Əsərin qəhrəmanı Ka “Edip kompleksi”ndən xilas ola bilməyən, dolanışığını təmin etmək üçün küçə süpürən və qeyri-adi hadisələrlə rastlaşan tələbədir. Kanın atası Q. “Möminə Xatun” türbəsində gizlədilmiş Atabəy Eldəgizin xəzinəsinin xəritəsini tapır. Xəzinə axtarışları Kanın atasının həbsi, ailənin maddi çətinliklər girdabına düşməsi ilə nəticələnir. Bu məqamda Ka Aytən adlı xalçaçı-rəssamla rastlaşır.