Учлик салтанати. Шарқ экзистенциал адабиёти

Инсоннинг тақдири, унинг умидлари ва ишончи, яшашдан мақсади бадиий тадқиқ марказига қўйилган экзистенциализм ХХ аср жаҳон адабиётининг муҳим йўналишларидан биридир. 1920–йилларнинг бошида Европада шакллана бошлаган ушбу адабий услуб Иккинчи жаҳон урушидан кейин Шарқ ёзувчилари томонидан ҳам кенг қўлланила бошланди. Ҳозирга қадар Ўзбекистонда экзистенциализм услубида фақат Ғарб ёзувчиларининг асарлари нашр этилиб келинган. Илк бор мамлакатимиз китобхонларига Шарқ экзистенциал адабиётининг таниқли намояндалари – хитойлик Лао Шэнинг «Мушуклар шаҳри хотиралари»романи, япониялик Кобо Абэнинг «Худди одамдек», жанубий кореялик Ли Мун Ёлнинг «Олтин қанотли қуш» қиссалари ушбу бир тўпламда тақдим этилмоқда.