Książki nie można pobrać jako pliku, ale można ją czytać w naszej aplikacji lub online na stronie.
Objętość 164 strony
0+
Książki nie można pobrać jako pliku, ale można ją czytać w naszej aplikacji lub online na stronie.
O książce
Kitabın adındakı hәr iki açar-söz – Umberto Eko vә Postmodernizm fәlsәfәsi XX әsrin ikinci yarısının hadisәlәridir, demәli, zamanca müasirlәrimizdir. Postmodernizm fәlsәfәsi bәşәriyyәtin fәlsәfi fikrinin hәlәlik әn son tәmayülüdür. O, fәlsәfә, mәdәniyyәt, ideologiya, hәyat tәrzi, situasiya vә ya yaşadığımız dövrә verilmiş ümumi ad olaraq, ekzotik bir şey deyil, müxtәlif modellәrdә müxtәlif regionlara miqrasiya edib dәrk olunmaqda davam edәn dövrümüzün reallıq fәlsәfәsi, müasir fәlsәfәdә gedәn müzakirәlәrdә әn çox işlәdilәn terminlәrdәndir. Postmodernizm – Avropa fәlsәfi, ictimai, bәdii-estetik fikir tarixindә keyfiyyәtcә yeni mәrhәlә tәşkil edir. Postmodern situasiya – dövrümüzdә maddi vә mәnәvi sahәdәki spesifik vәziyyәti ifadә edәn ümumi bir ifadәdir. Buna yol açan hәr şeydәn әvvәl dәrin bir inancsızlıq, yaxud köklü bir şübhәdir. Bu şübhә Modernizm layihәsinә qarşı yönәlib. Modernizmin böyük rәvayәtlәri – metanarrativlәri olan İnkişaf, Maariflәnmә, Rasionallıq, Azadlıq, Dünyәvilik vә sairin inandırıcılığına şübhәnin başladığı yeni hәyat tәrzinin adı Postmodern situasiyadır. Bu mövzu fәlsәfә tarixi, sәnәtşünaslıq, әdәbiyyatşünaslıq, mәdәniyyәtşünaslıq, sosial idarәetmә vә başqa elmlәrin tәdqiqat obyekti kimi dünyada aktualdır. İlk növbәdә mütәrәqqi dünyәvi proseslәrlә ayaqlaşmaq naminә Postmodernizm vә onun nümayәndәlәrinin dünya fәlsәfi fikir tarixindәki yerinin, onların fәlsәfәsinin әsas prinsiplәrinin öyrәnilmәsi xüsusi әhәmiyyәt kәsb edir.