Куйаартан кутуллар тыыннаах тыллар

Икки үйэни алтыһыннаран дьикти олоҕу олорорго анаммыт дьон – бүгүҥҥү күн туоһулара, эн, кини уонна биһиги.

Айылҕа сэдэх дьоҕурунан хатаҕалаан, дэбигис өйдөммөт көстүбэт күүһүнэн сэбилээн, анаан айан ыыппыт оҕоккото Күннэй Кардашевская кыыс кылгас олоҕун кэпсээнэ өссө да өр кэмҥэ, бука, уос­тан түспэт дьылҕаланыа буолуо. Оттон кини ийэтэ Любовь Львовна Васильева, сүтүктээх киһи аһыытын-кутурҕанын кистии анньан, күннээҕи түбүгү дьарык оҥостон Күн киһитин олоҕунан салайтарар.

Любовь Васильева алгыс кэриэтэ анабыл­лара, үлэх кэриэтэ сүбэлэрэ ааҕааччы тус бэ­йэтигэр туһалыахтара; кини ымыылаах санааҕа куустарарыгар, тус бэйэтин толкуйун анаарарыгар, олоҕун сүнньүн таба көрүнэригэр, сатаан ырытарыгар көмө буо­луох­тара диэн эрэнэбит.